وتوقفت حياتي لحظات...

وأنا بدور بين المدونات .. 
لقبت مدونة أسمها شيكو أون لاين ..
واستغربت جدا لعنوان آخر موضوع لمؤلفتها وكان أسمها شيماء 
وأنا قاعدة بشوف التعليقات اللي على آخر رسالة ليها بعنوان_غياب لأجل لا يعمله إلا الله_
لقيت أنها ....

أنها ماتت..

شيكو ماتت .. 
ربنا أعلم أني معرفهاش 
 
بس أثر فيا جدا أني أعرف أنها ماتت
مش عارفة هيا كانت عارفة أن دي آخر رسالة هتكتبها في حياتها 
وإن دي الرسالة اللي هتودع بيها أصحابها وزمايلها وكل حد حبته في الدنيا 
إنما الموت يأتي بغته
فكرتني شيكو بالموت 
هيا في الحق وإحنا دلوقتي في الباطل 
ربنا يرحمها ويغفرلها
يارب أنت أعلم بحالها منَّا 
فاغفر لها وأرحمها وأسكنها فسيح ناتك يا أرحم الراحمين
بأمانة اللي يقرا الرسالة دي يقرالها الفاتحة

وداعا يا شيكو
إنا لله وإنا إليه راجعون